哪个呀头不头痕

发布时间:2020-06-25 已收录 阅读:305次

哪个呀头不头痕

每逢年尾、季尾,望住堆数,再睇吓条Team,上凼老顶下凑细路嘅呀头都不其然搲爆头。

对上,一堆KPI,又多又乱之余,仲要离地万丈难以达到,老顶又一时一样,逼得太紧,Resource永远唔够,巧妇难为无米炊。条Team唔听话,入你数;下年计划保守,被照肺;之后理想太宏大,又怕使命不达,上意难测,以为自己做紧公公。

对下,仔A爱射波,Intern B无常识送大镬,靓妹C得罪人,搅到Senior D嗌走。无为而治养大家各自修行吗?背后有人说力有不逮;手把手教日日睇进度吗?又有人话Micro-management太严苛。一个唔觉意见到伪文青闹人唔识做人呀头(注一),睇FB都怕要对号入座。

KPI追唔到,上面捽;下面人事问题多,做野唔上心但有离心,甚至信都递埋。
 「孩童只盼望欢乐 大人只知道期望」夹係中间的小头目,见住九十百万野冲埋嚟,仲要防隔嚟Team暗箭,压力太大,真係一筹莫展。

想找树洞呻吗?
对公司了解、识有关同事嘅,惊唔係好对像,一怕传回耳中,二怕形象有损,三怕利益冲突,说不得;
对情况不了解、唔识啲人嘅,更加唔係好对像,讲嚟都唔明,明完朋友又唔识安慰,到最后烦恼只能一两句轻轻带过;
回到家,跟枕边人诉苦吗?大家在外大半天,都累得相顾无言,无谓再加负能量  叹一口气倒头便睡算了。

到最后,自己的问题只能自己拆。
继续捱吗?只好慨叹明明我已昼夜无间踏着面前路,在这无间地狱不断轮迴;
转工吗?
转到不用带人吧?又心不甘,且失去帮手总难以习惯?
转到同等级继续做头目吗?闯蕩江湖日段日子的,谁不知道天下乌鸦一样黑,与其出去重新适应,就会想到做生不如做熟,静待到天明;
自己开档做生意吧?回头不是发觉自己没有了那份冲劲胆色,就是还没有那本钱。 

细个学「条条大路同罗马」,大个先知条条绝路,唔係呀嘛?

日积月累,你总会感受到这个智理:
When top level guys look down, they see only shitheads;
When bottom level guys look up, they see only assholes…
何时、何地、何人,这都是永恆真理。
幸而呀头关关难过关关过,慢慢地成熟,有幸一级一级上锻鍊的话,手腕及脾气就会逐渐变得强大,就会学懂The Greater Power, The Greater Responsibility。

说到底,呀头磨练到身心强大,就要Patience You Must Have。
将军仅送给做呀头的朋友。

哪个呀头不头痕 

注一)将军精神分裂之作:你唔识做人阿头就走啦


再嚟神又係我鬼又係我讲晒啦嘅延伸阅读:
真荒谬,把工作看得那幺高


傲将军Facebook: